Benvenguda sus CalAven d'Oc, lo Calendièr de l’Avent amb un problèma pichòt de resòlver cada jorn !
Sul principi del calendièr de l’avent, cada jorn de classa del 1er al 25 de decembre serà una suspresa : un problèma pichòt de resòlver solet o amb los companhs en classa.
Trobaràs doncas 12 casas numerotadas que seràn activadas al fur e a mesura del temps que passa.
Aprèp la causida de ton cicle e lo nivèl de dificultat, poiràs clicar sus las casas ja activadas per afichar lo problèma de resòlver.
Bona aventura !!!
Nòtas pels regents :
- una consultacion de l’integralitat dels problèmas prepausats, sens téner compte de la data, es possible amb l’ajuda d’una corcha sul clavièr : CTRL + 1 (tornar en mòde normal amb CTRL + 0).
- Una simulacion de data es possible, en apondre dins la barra d’adreiça a la fin de l’url : ?date=12 per far creire al logiciel que sèm lo 12 de decembre, o un autre nombre entre lo 1 e lo 16.
exemple : …calavendoc/index.html?date=9 per fixar la data al 9 de decembre.
- los enonciats e las solucions son accessiblas mercé als ligams seguents : Cicle 1 - Cicle 2 - Cicle 3 .
- Las cartetas d’estampar, de plegar en dos e de plastificar per obténer l’illustracion e la question al rectò, e la responsa al revèrs : Cicle 1 - Cicle 2 - Cicle 3 .
- D’unes navigators sus d’ordinators-tauletas amb Windows permeton pas la seleccion tactila de las bolas numerotadas. Cal prene la mirga o lo TouchPad.
Per ne saupre mai :
Lo calendièr de l’avent es una tradicion anciana cristiana d’origina germanica que servissia per far pacientar los enfants fins al jorn de Nadal.
Trobaretz de dorsièrs culturals sul Nadal Occitan sul m@gistèri “enseigner l’occitan dans l’Académie de Montpellier” dins la partida “projèctes de las annadas precedentas”, projècte 2019 : Al pais de Ninòta.